One day Awareness Programme on 'The impact of drug abuse on society'

13th September 2014

Coalition Against Drugs & Alcohol(CADA) na lamdam asidagi mayai kaba chinjak (nisa) maru phangna muthatnaba pandamda leppa leitana changsillakpa khongjang gi saruk ama oina ngasi Kumbi Bazar da One day Awareness Programme ama “Nisana khunaida piba cheitheng amadi masibu thingbada meeyamna lougadaba thoudang” hiramda pangthokhre. Nongmagi oiba khana neinaba meepham asi Development youth Club(DYC), Kumbi amadi Society for Disable Person (SDP), Manipur ga khutsamnaduna sinbani.

Ngasigi thouram asida Thokchom(O) Manglembi – President, CADA Bishnupur District Committee na thouram mapu oikhi, loinana Advocate Yumnam Ratan – President CADA na athoiba atithi oikhi amadi Wahengbam (O) Sorojini – Ex.Councillor Ward-4, Kumbi Municipal Council; Nongmaithem Iboton – General Secretary, Society for Disable Person, Manipur & Moiranghtem(O) Nungsitombi - Councillor Ward-3, Kumbi Municipal Council na athoiba lengbirakpasing oikhi.

Loinana Dipanjit Ningthoujam – Secretary General, CADA, Nepram(O) Bimola – Secretary Ogranisation, CADA & Chingakham Shyam – Advisor CADA Bishnupur District Committee na wangangloi oikhi.

Dipanjit Ningthoujam na haikhibada – Maheiroising/naharol na tobacco gi nisa sing ehan hanna sijinaraga atei nisa makhal sing mathang-mathang sijinarakli. Ema /ipa amadi ojasingna nisa sijinei haiduna maheiroisingna nisa sijinaroidabani. Nisa na eikhoigi hakchanggi central nervous system sokhanduna maheoising gi pukning, wakhal solhalli, budhi soiromhalli. Budhi soiromlaba maheiroidi kari kanagani, karamna meethoi meehenba ngamgani. Manipur gi meewoi tangkhai amadi tobacco sijinei haina Phungjathang Tonsin - Health Minister, Manipur haibikhi, masina takpadi matam kharagi matungda Manipur gi meewoi tangkhai ama Cancer soidana naragani, masi khangna khangna heath department na athingba thamkhraba aduga ephong phongna yolliba tobacco product sing phadribano, karbar touribasing dandi pidribano? Masiga manna atei nisagi potlamsing karigi mari leinaba department na phagatuna, nisa karbar touribasing dandi pidriba karigino?

Chingakham Shyam na haikhibada – eikhoi khudingmakna nisa phatte khangna khangna sijinari, athingba lei thinggi haina haina mari leinaba sarkar gi department singnasu thingdana phongna phongna yolli. Pumnamak asigi mayokta mayai kaba nisa asi eikhoiina maru phangna muthatnaba changsillasi. Eikhoigi enkhatlakliba naharol, maheiroi sing kannanaba eikhoina nisa gi amang atong chang onduna lepminaba matam oire.

Nepram(O) Bimola na haikhibada – Manipurda thokliba crime ayamba mayai kaba nisa sijinarubadagi thokpa ngaktani. Apokpa mama mapabu mama-mapa oina khanba ngamdriba, mahaki nupi phaoba hatpa ngamlakpa asi mayai kaba nisa nani. Asigumba taheidraba, touheidraba thabak sing asi tadanaba udanaba eikhoina nisa maru phangna muthatpa tai. Nisagi mayokta eikhoina changsinhoudaba tarabadi 3yrs ki matungda Kumbidasu asigumba thoudoksing asi soidana thoklakani. Masi thoktana sambal khajinba oina ngasidai eikhoina mayai kaba nisa maru phangna muthatnaba hotnarasi.

Athoiba lengbirakpa oikhiba Nongmaithem Iboton na haikhibada – nisa yonbasingna meeyamna tounariba atoppa sinpham sing touba yai. Nupi oiragana hensang yonba, keithel phamba tai. Masi meeyamna tounaba thabak ngaktani. Nupa oiragana nga phaba, pot chei saba yai, ngasi mapham asida phangliba atoppa maphamdagi pusillakpa achapot sing mapham asigi nupa singna saba yai.

Nisa yonba na kayam kanei?? Nisa yonbana peisa phangle aduga achabana sire. Charibagi matou tamlaba atoppana amuk chare punna siminare, pumnamak mangle masira kanaribase??Ethan athantana nisa thingba oithokloi. Committee ama semduna punna nisa thingminaba tai.

Athoiba atithi oikhiba Advocate Yumnam Ratan na haikhibada - ngasidi Manipur Liquor Prohibition Act 1991 leina leina yoo ephong phongna marang kaina yolle, hidak mana thingna thingna marang kaina phangle, amadi atei atei drug makhalsing lallonle. Sarkar gi mari leinaba department singna thamoi sengna matou toudabanara , nakoinana sougatlabra haibasi achouba wahang ama oire. Masidigi hongdokhoudaba tarabadi Manipur soidana mutkani. Masa mawoo phaba, aphaba wakhal khanba, mabudhi marousing phaba haibasi chariba chinjakka yamna mari leinei. Matam amada eikhoigi ahan lamman singna chaba yaba-yadaba kaya niti-niyom naina chatnarami adubu ngasidi eikhoina enba ngamdre. Eikhoigi darma-karna ga mari leinaba thoudok wathok khudingda yoo, jarda,kheini yaodaba yadaba amagum tounare. Masi touheibada amadi aain na yadaba thabakni. Masi khangna mari leinaba department sing amadi meeyamna thabak touba tai.

Thouram mapu oikhiba Thokchom(O) Manglembi na haikhibada – ewa epuroiba singna mayai kaba nisa sijinaduna nupi oibisingda ot-nei hairabasu eikhoina adum khangsinduna thamloidabanai. Masina eikhoigi aphaba echa samba ngamloi. Echasingsu phataba lambida khongdakhigani. Masi pumnamak mayai kaba nisana thokhabani.

Nollukchariba,

(L.Sanjit )
Secretary Information & Publicity
Coalition Against Drugs & Alcohol(CADA)