JCIPLS : Ereichasingna Sel gi tengbang pibinaba nollukchaba

15th September 2014

"JCILPS ta Ereichasingna Sel gi tengbang pibinaba nollukchaba"
"Eramgi Sin-mee sing sougatsi amadi Work Culture leihansi"

JCILPS na Manipur da Inner Line Permit Chatnahallu haiduna changsilliba khongjangda yelhoumee singna angamba thakta saruk yariba, wakhallon pibiba amasung awat-apa kaya tengbang pibibana JCILPS ki achumba eehou oiba ngamlibani. JCILPS ki pandam fangba ngamdriba faoba meeyam na achouba thoudang loubirakkani haibagi thajaba ereicha sing da thamjari.

Khongjang makha tana pangthokpa ngamnaba JCILPS na meeyamdagi sel gi mateng loujaruba matamda Manipur Police na afa apun touba, receipt book, ayiba che, amasung tengbang pirakpa sel nachingba fajinba kaya toukhibana khongjang da awaba mayoknare. Issue asibu sougatpiba ereichasingdagi angamba sel gi tengbang JCILPS ta pibinaba nollukchari.

Manipur da mitop na khullingba, selmitlon paikhidanaba, khunailon lingkhidanaba amasung leingaklon paikhidanaba loinana lamgi mapu oikhidannaba changsilliba meeyamgi ehou asiga eroinana JCILPS na Regional Labour Force lingnaba ahanba khongthang paikhatpa houkhre. Manipur gi District singda survey chattuna eram gi sinmee singna masana hangduna sinshang lingbasing kumja 2014 gi June thadagi thabak paikhatpa houkhre.

Ahanba khongthang oina eramgi sam kakpa sinmee 145 mukki apunba "Samkak Lup, Manipur" kouba ama General Body Meepham anirak pangthoklaga semle. Executive Body semduna register tounaba amasung mapham chaba maphamsingda dukan hangnaba sil-langba houkhre. Masida awaba thengnaribasi dukan gi deposit chaona loubagi hangba ngamdaba, tools and equipment sing leiba ngamdaba asini.

Masigidamak sponsor toubinaba donor singa wari sabagi thabak chathari. JCILPS ki thourang asida eramgi sam kakpa sin-mee singbu pukning thougatpiyu ,makhoigi customer oibiyu amasung makhoigi sinpham hinghanbada ereichasinggi achouba thoudang utpiyu. Thourang asida nattana atoppa sil kaya amasu eram gi sin-mee singna sujanaba JCILPS na hotnajabasida meeyam na sougatpiyu loinana eram gi sinmee singnasu work culture leina thabak sunaba thokpiraknaba JCILPS na ningshingjari.

Waikhom Ananda Meetei
Convenor, Publicity Committee,
JCILPS, Manipur