Ek paigaam Bharatiyon ke naam
( A letter to the people of mainland India )

February 3, 2014:

Uttar-Purv ke baahar mainland Bharat mein rehne waale mere pyare Bharat wasiyo, aapko ye khat unn dino ko yaad dilane ke liye likhi gaye hai jab aapke aur hum Uttar-Purv ke beech rishtein ki shuruvaat huyi thi.

Wo waqt tha jab aapke aur humare krantikariyon ne apna lahun bahaa ke desh ko azaadi dilaya tha.
Wo waqt tha jab azaadi haasil karne ke liye aapke aur humare purkho ne kadam se kadam milake chalne ka vaada kiya tha aur nibhaya bhi tha.
Woh waqt tha jab Gandhiji ne non-violence ka raasta apna ke desh ko azaadi dilaya tha.

Lekin, badi dukh ki baat hai ke aap sab ke khun mein abb woh bhaichara aur woh vichaardhara nahin raha. Aapke aur humare soch, aur rahen-sahen milna ya naa milna toh vidhi ka vidhaan hai. Lakh koshish karen, phir bhi hum ya aap mein se koi bhi usse badal nahin sakte. Ek rang-birange baal ke liye, aap apne he desh ki bhai ko maut ke ghaat utaarna, ye to unachit nahin hai aur Gandhiji ke aatma ko bhi shanti nahin milenge.

Shayad inhi soch ke chalte, aaplogo ke beech bhaichara nahin ban paya aur Hindu Musalmaan ke beech daraaren padi aur desh hisso mein baata gaya. Aur abb aaplog fir se wahin chahte hai aapke aur humare beech mein.
GANDE HO CHUKE HAI AAP LOGO KE KHUN.

Itihaas aur Khudaa gawaah hai ke desh ke liye azaadi praapt karne mein aap logo ke krantikari he nahin, balke humare purkho ne bhi apna khun bahaya tha. Lekin badkismati yeh hai ke humare kisi bhi krantikari ka naam Bharat ke kisi bhi paathsala ki kitaabon ke panno mein nahin hai.
KYUN?
Kya humare purkho ka balidaan, naam lene laayak nahin tha?
Kya humare krantikariyon ne jo balidaan deke meesaal kaayam kiya tha, unka aap logo ke jeevan mein koi astitva he nahin?
Kya aapka desh, desh hai; aur humara desh, desh nahin?

Yeh mat bhoolo ke hum toh apne he maatribhoomi mein apne he balbutte pe angrezo ke saath ladh rahen the. Sahayita maangne toh aapke log humari zameen pe aaye the. Iss baat se har koi waaqif hai ke 1949 ke Shillong Accord jab likha gaya tha, toh Uttar-purv ke desh wasiyon se rai-masauraah nahin kiya gaya tha. Aur zabardasti humare purkho se astaaksar liya gaya tha.

Yeh bhi mat bhoolna ke desh ko jab azaadi mili, tab humlog ek alag desh banke rehna chahte the. Par aapke log khud aake aap ke desh mein humen saambhil karne ka ichha prakat(zaayar) kiya tha. Aur jab nahin maana, toh farzi kaagazaat ke balbutte pe humare zameen ko apne desh mein saamhil kiya gaya tha.

Wo zakhm abhi bhi hum sab ke dil mein taaza aur gehra hai, usse khuredkar aur namak chhirakne ki koshish naa karo. Azaadi milne ka panchaas saanth baras to guzar chuke. Lekin humare aur aapke rishtey abhi bhi naazuk hai. Bardaasht ka hadh jab paar hojayega toh parinaam kitna bura hoga, iss baat se aap log bhi waaqif hai aur humlog bhi.

Azaadi ke waqt humare krantikariyon ne ‘VANDE MATARAM’ naaren toh nahin lagaye the. Lekin 1949 Shillong Accord ke baad, “Bharat humara desh hai, Bharat Mata ki jay...” – Yeh sab naaren hum se zabardasti lagwaya gaya, aur aab tak zabardasti lagwata aa raha hain.

Agar ek he chhat ke neeche ek saath rehne ka baat tha, toh humare Bharat Mata ke goudh mein humme kyun sautela vyabhar diya ja raha hai?
Agar aise sautela vyabhar dena tha, toh humen kyun zabardasti apne desh mein saamhil kiya gaya tha?
Agar aaplog bhaichara nahin dikhana chahte, aur sautela vyabhar dena chahte hai, toh nahin rehna hum log ko aap log ke saath.

Aap log ko shayad yeh andaaza nahin hai ke agar aaplog aur humlog ke beech yudh chhera gaya, humare Uttar-Purv ke rajyo ke log, jo aapke zameen pe hai, woh toh apne zameen pe waapas ajayenge sab kuch chhod-chhaad kar. Lekin aaplogo ke bhai-bahen, rishtey-natein jo humare zameen pe saalon se hai, unka kya?
Kya aab chahte hai ki yudh ho?
Kya aab chahte ke aapke bhai-bahen, rishtey-naatein refugee ban ke yahaan waahan bhatakte firen?

Humlog toh adivasi the, adivasi hai, aur adivasi rahenge. Isse naam ko leke humlog garv se chalte hai. Lekin aap log toh adivasi ho kar bhi, humare saamne aane par bolne mein lajja karte hai.

Agar aaplogo ko humlogo ke saath ekta banaye nahin rakhna hai toh humlogo ko bhi aap logo ke saath ek he chhat ke neeche milke rehna ka koi shauque nahin. Humare aur aapke beech agar shanti ka santulan banaye rakhna hai, toh humen apni purkho ke raastein pe laut jaane do. Jis mukaam pe humlogo ke beech rishtein ki shuruvaat huyi thi, uss mukaam pe humen laut jaane do.
Humen azaadi deke mukt kardo. Khud JEEYO aur humen JEENE DO.
Isse, dono desh, yaani ki aapka desh aur humara desh ka sampoorn vikaas bhi hoga, aur thoda bahut bhaichara bhi bana rahega... Aur aapke aur humare beech shanti ka santulan bhi bani rahegi.

Abb yeh mat sochna ke humlog agar aap ke desh se nikal jayenge toh humlog khayenge kya aur piyenge kya. Woh sab humari chinta hai. Ye dhyaan rahen ke aap ka apna Bharat desh ki shruvaat bhi sirf muthi bhar namak aur khadi se shuru ki gaye thi.

To Freedom To Freedom To Freedom

By: Pukhrambam Boboi
Shillong