JCILPS :: Press Statement on July 16 2015

16 July 2015

Lamdam asigi yelhoumee kannaba Bill ama Manipur Assembly da puthoklaga pass tou haina JCILPS na meeyamga loinana talliba DEMAND asi houjik phaobada Chief Minister O.Ibobi na luchingba government na pinaba hotnadari. Meeyamna talliba demand asi pirage haibagi wakhal government asida leiba tarabadi JCILPS na July 16, 2015 gi nungthil pung 4 phaobagi manungda Assembly gi Special Session koubiyu haibadu yabiramgadabani.

Bill withdraw toubagi phamkhiba Assembly session aduna athuba matamda anouba yelhoumee kannaba bill pass toubagi matam laothok’u/leppu haina JCILPS na mangjounana laojakhibadu govt. asina wa oina takhidare. Special session aduda matam laothok’u haijakhibadugi wahanthokti meepham adu nongmada loishinganu, matam shangdoklaga anouba meeyamna pamba anouba Bill asi Session asimaktada pass tounaba hotnabiyu haijabani. Adubu, governmentna session adu nongmakhaktada loishinkhi.

JCILPS na haijakhibadugi onna teinabada tha 3 gi manungda anouba ILP bill ama puthokkani haibasi thajaba ngamde. Meeyamna pamba bill asi shoidanamak House ta puthoklaga pass touge haibagi ‘political will’ leiragadi shanglabada numit 4/5 nidagi henna changningngai leite. Aduna maram oiduna govt. asina shoidana bill asi pass tougani haibasi thajaningngai oide.

Houjiksu anouba Bill ama shemlaga puthokpada aduk hakna matam louningngai oide. Maramdi hannana leiraba All Political Party Committeena tha taruk changna yenshinlaga pikhiba page 282 panba recommendation adugi mathakta meeyamgi mahut shinduna JCILPS na yaohanningba point 5 (manga) mangjounana pishinduna government asigi makhutta leikhrabani. Makha tana meeyamgi apam-pamda khallaga aroiba oina shemjin’gadabadani. Ningthina shemlaba anouba Bill aduda Governor na recommendation hek pirakpaga nongma-ninida House ta puthoktuna pass touba ngambani.

Governmentsina anouba Bill pass tounaba hotnabada tha 3 changgani hairibasi maram chadabana JCILPS na pamliba meeyamgi Bill asi pass toudribaphaoba chahi ama oirabasu, arrepa matam leitrabasu meeyamga loinana hanba leitana khongjang changshinlagani. Masigidamak meeyamnasu government na numit 15nigi manungda Bill asi pass tounaba hotnadrabadi hanba leitana akanba khongjang changshinbada sharuk yabiyu.

Yelhoumee kannaba Bandh nachingba tongan-tonganba khongjang kaya changshinlakpada khongjangloi singna lambi thingba matamda ana-layeng, mei-eshing, Dharma-karma amadi e-pao ga mari leinaba meewoisingdi komthokpiyu. Meeyamgi khongjang asi maiyon chumna changshinnaba hotnabada khangjang yaoribasingna khongjang asibu lanna chat’hankhiba yaba mawongda mee na tabada waba wahei, kanglup naiba wangang, wahei shijinnabiganu haina JCILPS na ningshingjari.

Houjik oirakliba khongjang asida ashok-apan nanglaba singbusu hospitalda purakpa amadi doctor singna chatthok-chatshin toubada meeyamna komthokpiyu amadi mateng pangbiyu. Meeyamna paomee singna thengnariba awaba-khudongthiba kaya khangbiduna makhoida athingba- apanba pibiganu. Eikhoigi khongjang asi government amadi meeyamda khang’hannaba hotnabada makhoina achouba thoudang louribani, makhoibu ekaikhumnabiyu.

Meitei pangal gi Idul-fitre amadi Meitei-Hindu gi Ratha-yatra (Kang) kumhei gi yenglaga lakliba July 19, 2015 phaobadi makhal amattagi general strike natraga bandh nachingba koubidanaba JCILPS pumnamakta appeal toujari. Adumakpu, yelhoumee kannaba bill pass tounaba meeyamna changshinliba Democratic oiba khongjangdi hanba leitana changshinbiyu hainasu ningshingjari.

Sd/-
Md. Kheiruddin Shah Moijingmayum
Asst. Media-Co-ordinator, JCILPS